Noong Agosto 28, 2025, dalawang pulis-Marikina ang pormal na kinasuhan dahil sa sekswal na pang-aabuso, panghihipo, at paglapastangan sa isang babaeng kasamahan sa loob mismo ng patrol car na kanilang sinasakyan. Alam niyo, sa mata ng maraming tao ngayon, ang mga pulis na dati ay itinuturing na tagapagtanggol ng batas ay unti-unti nang nakikita bilang bahagi ng problema.

Hindi naman lahat. Ngunit may mga pulis na sa halip na magsilbi nang tapat, ay mas pinipiling magtago sa likod ng kanilang uniporme para gumawa ng krimen gamit ang kapangyarihang ibinigay sa kanila. Dahil dito, lumitaw ang terminong “licensed criminals,” mga taong may tsapa at baril pero mas inuuna ang pansariling interes kaysa sa batas. Dahil dito, marami ang nagsasabi na mas nakakatakot pa sila kaysa sa mga ordinaryong kriminal dahil mayroon silang kapangyarihan, protektado ng sistema, at may kakayahang abusuhin ang batas na sila mismo ang dapat na nagpapatupad. Sa katunayan, bago matapos ang taong 2025, nagkaroon ng serye ng mga insidente na kinasasangkutan ng mga pulis, na lahat ay nagawa ko na ng video, tulad ng pagkidnap sa isang grade 9 student sa Bacoor City ng mga pulis noong Nobyembre 22. Ang police captain na nang-holdap sa Caloocan noong Nobyembre 10.

Ang police gang leader na nahuli noong Agosto 27 at marami pang iba. At ngayon, pag-usapan natin ang kaso ng dalawang pulis na hinalay ang kanilang babaeng kasamahan sa loob mismo ng patrol car. Umaga noon ng Agosto 17, 2025 at para sa pulis na babae, na itatago natin sa pangalang PO1 Nick Mendz, ito ay isa lamang ordinaryong araw ng pagtatrabaho.

Maaga siyang gumising at pumunta sa Marikina Police Station para sa kanilang morning briefing. Kasama niya sina Police Staff Sergeant Josel Baladad at Patrolman Christopher Merez. Pagkatapos ng kanilang briefing, agad silang itinalaga para mag-patrolya sa lungsod. Nag-obserba sa mga checkpoint, nakipag-ugnayan sa ibang yunit, at tiniyak na maayos ang seguridad sa kani-kanilang mga lugar.

Naging maayos ang kanilang tungkulin, ngunit hindi alam ng babaeng pulis, may ibang pinaplano sina Baladad at Merez. Pagkatapos ng kanilang patrolya, inanyayahan siya ng dalawa na sumama sa kanila at sinabing sila ay “lalaban” (kakain/iinom). Agad namang pumayag ang babaeng pulis, sa paniniwalang ito ay karaniwan o normal sa kanilang routine. Ngunit sa halip na dalhin siya sa isang coffee shop, isinakay siya sa isang Patrol Police Vehicle at dinala sa isang lugar sa Barangay Santo Niño, Marikina City.

At dito na nagbago ang sitwasyon sa simula. Ayon sa salaysay ni PO Mendz, normal ang lahat. Maayos silang nagkukuwentuhan at nagbibiruan tungkol sa kanilang tungkulin, ngunit maya-maya ay bumili ang dalawa ng alak at pinilit siyang uminom. Noong una, sinubukan ni Mendz na tumanggi, ngunit hindi niya nagawa dahil sa pananakot at ranggo ng dalawa.

Habang tumatagal, tila nag-iiba na ang ihip ng hangin. Ang dalawa ay nagsimulang magsalita ng mga malalaswang bagay at kalaunan ay nagsimulang humawak sa maseselang bahagi ng katawan ng biktima, na humantong sa pang-aabuso at panggagahasa sa loob mismo ng patrol car na kanilang sinasakyan. Dahil sa kanyang kalagayan, takot, at kawalan ng kakayahang ipagtanggol ang sarili, hindi niya napigilan ang insidente.

Ang patrol vehicle na dapat ay sumisimbolo ng kaligtasan ay naging eksena ng isang trahedya. Pagkatapos ng insidente, ibinalik siya ng dalawa sa istasyon na tila walang nangyari. Hindi agad nakapagsampa ng reklamo si PO Mendz dahil nanaig ang takot, hiya, at pangamba, lalo na’t ang kanyang inirereklamo ay kapwa opisyal ng pulisya.

Ngunit kalaunan, habang lumilipas ang mga araw, mas lalo niyang naaalala ang kawalang-katarungang ginawa sa kanya. Kaya naman nagkaroon siya ng lakas ng loob na magsalita at magsampa ng mga kasong kriminal at administratibo laban kina Baladad at Merez. Agad niyang isinampa ang kanyang reklamo sa internal affairs ng PNP kasama ang forensic at medical reports para patunayan ang pang-aabuso.

Agad na kumilos ang Philippine National Police at agad na dinisarmahan ang dalawa. Dito, agad silang isinailalim sa restrictive at preventive custody at kinasuhan ng sexual assault, act of lasciviousness, at administrative grave misconduct. Ang kaso ay agad na ipinasa sa PNP Legal Affairs Service at Napolcom kung saan sinuri ang testimonya ni PO1 Nick Mendz, ebidensya mula sa patrol vehicle, at mga medical at forensic reports.

Lumitaw din ang kawalan ng pagbabantay ng ilang opisyal, kaya naman ilang pinuno ng Marikina police ang tinanggal sa kanilang mga pwesto. At matapos ang mahabang imbestigasyon, pormal na isinampa ang mga kaso sa korte laban kina Josel Baladad at Christopher Merez. Dahil sa matibay na ebidensya, nahatulan ang dalawa sa korte at agad na ipinabilanggo.

Kasabay nito, opisyal din silang tinanggal sa serbisyo, nawalan ng ranggo, benepisyo, at karapatang magsilbi bilang mga opisyal ng pulisya. Dito ay malinaw na ang uniporme at tsapa ay hindi proteksyon laban sa batas. Kapag inabuso ang kapangyarihan, kahit ang mga tagapagpatupad ng batas ay maaaring maging licensed criminals at sa mata ng publiko.

Sila ay mas kinatatakutan kaysa sa mga ordinaryong kriminal.